NOVITADS

Concert annual 2016(09.04.2016)

 

Preziadas amitgas e preziai amitgs dalla musica

 

Puspei ei in onn vargaus. L'Uniun da musica Sagogn astga envidar Vus al concert annual primavaun. Sut la bitgetta da Stefan Roth e Michael Cadruvi han ils rodund 35 musicants preparau in program zun interessant e variont.

Per puncts culminonts procuran las producziuns dils dus tocs, cun ils quals la UMS separticipescha alla fiasta da musica federala a Montreux il zercladur vegnent. Cun "Renaissance" da Peter Graham ha l'UMS elegiu in'ovra pretensiusa e cumpleina. "Caverns" senumna il toc da pensum per la secunda categoria brass band ord la plema dil giuven cumponist svizzer Fabian Künzli. Plinavon astga il publicum selegrar da musica da divertiment, marschs e polcas.

Nus selegrein da Vossa viseta.

 

Sonda, ils 30-04-2016, allas 20.00 en halla plurivalenta a Sagogn (entrada libra/collecta). Suenter concert ei ustria.

Dumengia, ils 01-05-2016, allas 17.00 en halla plurivalenta a Sagogn (entrada libra/collecta).

 

Viva la musica!

 

Uniun da musica Sagogn

 

program

 

1.rang si Sursaissa(04.06.2015)


Alla fiasta districtuala a Sursaissa essan nus vegni da presentar stupentamein il toc "Thyellene" da Kevin Houben ed essan vegni honorai dalla giuria (Carlo Balmelli, Arogno (TI) e Pascal Eicher, Lignières (NE)) cun igl excellent emprem plaz cun 95 puncts.

Era cun marschar havein nus contonschiu igl emprem plaz cun 124 puncts cul toc "Eidgenossen" cumponius da Kurt Weber.

rangaziun

 

 

Concert annual 2015 (09.04.2015)


Ei fuva inaga ina musica da mercenaris grischuns ella Hollandia dil 1597. Ils hollandes sesanflavan amiez l’uiara d’independenza culla Spagna ed ils musicants eran vegni recrutai el regiment hollandes. Il cumandant Stefan ha intimau ils musicants da batter igl inimitg, schend a mintgin: „STAI SI, DEFENDA!“ Aschia ein ils ver 35 musicants grischuns daventai perdetgas dalla battaglia da THYELLENE.
Era il muronz dalla Vreneli vom Guggisberg ei staus dalla partida a quella battaglia. Turnond silsuenter ella patria ha el enderschiu dalla mort da sia carezada. Contristaus da quella novitad ha il schuldau cumponiu ina canzun davart sia tresta sort e dau num a quella S’ISCH ÄBE-N-E MÖNSCH UF ÄRDE. Cunquei che nuot rentava el en sia patria eis el puspei serendius egl jester e morts leu pauc suenter. El ei vegnius satraus sil santeri dalla CROYDON CITADEL.
La musica da schuldada ch’ei stada en Hollandia ha denton aunc passentau entginas aventuras ensemen, aschidadir ADVENTURES IN BRASS. Ina tracta per exempel la GOSPEL BRASS MACHINE – mo gliez ei in’autra historia. Insumma savessen ils musicants raquintar STORIE DI TUTTI I GIORNI. Mo ils 35 cumpogns partan IN SIEMI dad in’aventura ch’els han aunc buc fatg. Els vulan exnum emprender da saltar step tier il toc RIVERDANCE...


Sche lur siemi va en vigur saveis Vus vegnir a mirar/tedlar sonda, ils 18-04-2015, allas 20.00 e la dumengia, ils 19-04-2015, allas 17.00 ella sala plurivalenta a Sagogn.

Sonda suenter concert ei ustria.


Da Vossa viseta selegra
l’Uniun da musica Sagogn

 

Program da concert 2015

 

Jahreskonzert 2015 (09.04.2015)


Es war einmal ein Bündner Söldnermarschmusikregiment in den Niederlanden des Jahres 1597. Die Niederlande befanden sich inmitten des Unabhängigkeitskrieges mit der spanischen Krone und die Musikanten waren für das niederländische Heer rekrutiert worden. Der Hauptmann Stefan ermutigte seine musikalischen Söldner den Feind zu schlagen, indem er jedem die Worte „STAI SI, DEFENDA! – STEH AUF, VERTEIDIGE!“ ins Ohr legte. So wurden die 35 Bündner Musikanten Zeuge der Schlacht von THYELLENE.
Auch der Auserwählte der Vreneli vom Guggisberg focht in dieser Schlacht mit. Nach Jahren in Fremden Diensten kehrte er in die Heimat zurück, wo er jedoch vom Tode seiner Liebsten erfahren musste. Aus tiefer Trauer schrieb er ein Lied über ihr Schicksal und nannte es S’ISCH ÄBE-N-E MÖNSCH UF ÄRDE. Nichts hielt ihn mehr daheim, so dass er wieder in fremde Kriegsdienste eintrat, wo er nach kurzer Zeit auf einem Schlachtfeld fiel. Der unglückliche Söldner wurde auf dem Friedhof der CROYDON CITADEL begraben.
Das Söldnermusikregiment, das erfolgreich auf der Seite der Niederlande gefochten hatte, erlebte zusammen jedoch noch viele ADVENTURES IN BRASS. Zum Beispiel mit der GOSPEL BRASS MACHINE – aber dies ist eine andere Geschichte. Überhaupt könnten die erfahrenen Musikanten STORIE DI TUTTI I GIORNI erzählen. Die 35 Freunde teilen jedoch IN SIEMI/EINEN TRAUM eines Abenteuers, das sie noch nicht erlebt haben. Sie wollen unbedingt lernen zum Stück RIVERDANCE zu steppen...


Ob sich ihr Traum erfüllt, könnt Ihr am Jahreskonzert sehen/hören. Am Samstag, den 18.04.2014, um 20.00 Uhr und am Sonntag, den 19.04.2015, um 17.00 Uhr jeweils in der Mehrzweckhalle in Sagogn.

Samstags nach dem Konzert wird Festwirtschaft betrieben.


Über zahlreichen Besuch freut sich
die Uniun da musica Sagogn

 

Konzertprogramm 2015

 

 

Concert annual 2014 (29.03.2014)

 

Cars amitgs, amaturs e simpatisants dalla musica da brass

 

L’Uniun da musica Sagogn envida puspei a siu concert annual. Ils 12 e 13 d’avrel concerteschan ils ver 34 musicants ella halla plurivalenta a Sagogn.

 

Il publicum sa selegrar dad in program variont ed interessant pigl auditori denton pretensius e difficil pils musicants. Sut la bitgetta da Stefan Roth e Michael Cadruvi han ils sunadurs preparau entginas uettas ord il mund da brass. L’avertura fa il toc Towermusic ord la plema dil cumponist svizzer Jean-François Michel. Variations on Laudate Dominum cumponiu dad Edward Gregson ei il toc principal dil concert dad uonn. Quell’ovra per brass bands dalla 2. classa gioga – sco il num lai presupponer – cun variaziuns digl enconuschent choral Laudate Dominum da Sir Hubert Parry. In ulteriur punct culminont vegn cuntonschius culla producziun dil solo Concertpiece for Cornet da James Curnow. L’Uniun da musica Sagogn ed oravontut il solist Michael Cadruvi ein dumandai cull’ovra che Curnow ha scret a posta per la Brass Band Bürgermusik Luzern. L’emprema part dil concert terminescha l’UMS cul marsch Starlake da Major Eric Ball. Suenter la pausa cuntinuescha il concert cul toc d’entrada Horizons da Paul Lovatt-Cooper, suondaus da musica da film ord la seria Band of Brothers, dil toc victur digl Eurovision Song Contest digl onn 1988 Ne partez pas sans moi, da melodias tradiziunalas irlandesas el toc Gaelforce da Peter Graham e dil marsch svizzer Die Eidgenossen.

 

Datas da concert:

Sonda, ils 12 d’avrel 2014 allas 20.00 (suenter concert ei ustria)

Dumengia, ils 13 d’avrel 2014 allas 17.00

 

Ils concerts han mintgamai liug en halla plurivalenta a Sagogn.

L’Uniun da musica Sagogn selegra da Vossa viseta.

 

Salids musicals e „Viva la musica!“

Uniun da musica Sagogn

 

program da concert 2014.pdf

 

 

Jahreskonzert 2014 (29.03.2014)

 

Liebe Brass-Freunde


Die Uniun da musica Sagogn lädt wieder zu ihrem Jahreskonzert ein. Die 34 Musikanten konzertieren am 12. und am 13. April in der Mehrzweckhalle in Sagogn.


Das Publikum kann sich auf ein abwechslungsreiches und interessantes Programm freuen, welches für die Musikantinnen und Musikanten aber eine grosse Herausforderung darstellt. Unter der Leitung von Stefan Roth und Michael Cadruvi haben sie einige Leckerbissen aus der Welt des Brass einstudiert. Der Konzertabend wird durch das Stück Towermusic vom Westschweizer Komponist Jean- François Michel eröffnet. Variations on Laudate Dominum ist das Haupstück des diesjährigen Programms. Es stammt aus der Feder von Edward Gregson, dem berühmten britischen Brass Band-Komponisten und ist für die zweite Stärkeklasse eingestuft. Wie der Name es bereits vermuten lässt, spielt das die Komposition mit Variationen des berühmten Chorals Laudate Dominum von Sir Hubert Parry. Ein weiterer Höhepunkt ist das Stück Concertpiece for Cornet von James Curnow. Die Uniun da musica Sagogn und insbesondere der Solist Michael Cadruvi sind mit der Auftragskomposition für die Brass Band Bürgermusik Luzern von Curnow stark gefordert. Den ersten Konzertteil beendet die UMS mit dem Marsch Starlake. Nach der Pause geht es weiter mit Horizons von Paul Lovatt-Cooper, gefolgt von der Titelmusik zum Film Band of Brothers, vom Siegertitel des Eurovision Song Contests 1988 Ne partez pas sans moi, von traditionellen Melodien im Stück Gaelforce von Peter Graham und vom Marsch Die Eidgenossen.


Konzertdaten:
Samstag, der 12. April 2014 um 20.00 Uhr (Restaurant nach dem Konzert)
Sonntag, der 13. April 2014 um 17.00


Die Konzerte finden jeweils in der Mehrzweckhalle in Sagogn statt.

Die Uniun da musica Sagogn würde sich über Ihren Besuch freuen.


Musikalische Grüsse und „Viva la musica!“
Uniun da musica Sagogn

 

Konzertprogramm 2014.pdf

 

 

Entschatta dalla nova sesiun (04.11.2013)

 

Emprema emprova ils 5 da december 2013.

 

 

1. d'uost 2013 a Sagogn si Plaun Pigniel (07.07.2013)

 

Igl emprem d’uost embellein nus la fiasta ed il til da lampiuns a Plaun Pigniel cun la Musica giuvenila Aspermont Sagogn. Organisada vegn la fiasta dall'Uniun da giuventetgna Sagogn.

 

 

Participaziun alla fiasta da musia cantunala a Cuera 2013

 

Alla fiasta da musica cantunala giu Cuera ha l'Uniun da musica Sagogn contonschiu igl excellent 1. plaz ella concurrenza dalla 3.classa. Cun il toc "Lake of the Moon" han els retschiert 91 puncts. La interpretaziun dil toc da pensum "Antruras", screts da Gion Andrea Casanova, ha plaschiu il meglier alla giuria e vegn notada cun 95 puncts.

Alla concurrenza da marschar sesanfla la musica da 31 participonts sil 16avel plaz.

Cordialas gratulaziuns.

Bravooo!!!

 

 

Concert annual 2013

 

Preziai amitgs dalla musica da stuors

Puspei inagada eis ei aschi lunsch. L’Uniun da musica Sagogn sepresenta a caschun dils concerts annuals al public. Sco adina la primavera muossan ils ver 30 musicants tgei ch’els han fatg duront ils liungs meins d’unviern.

 

Sut la bitgetta da Stefan Roth e Michael Cadruvi ei in concert fetg variont e pretensius sesviluppaus. L’entschatta fa il toc zun pompus „Fanfare and Flourishes“. Quella fanfara cumponida da James Curnow combinescha l’enconuschenta melodia „Te Deum“ da Marc-Antoine Charpentier cun elements tipics da fanfara ed ei perquei zun adattada dad arver a moda energetica in concert. Silsuenter suonda gia in dils puncts culminonts dil concert dad uonn. Cul toc „Lake of the Moon“ sepresenta l’Uniun da musica Sagogn numnadamein era alla Fiasta cantunala da musica a Cuera che ha liug dils 7 entochen ils 9 da zercladur 2013.

 

Nies toc da fiasta ch’ei vegnius componius da Kevin Houben descriva ina veglia legenda. Il toc zun difficil tracta il viadi dils Aztecs naven da lur liug d’origin che schai en Sibiria ed ella Mongolia sur la Via da Bering entochen ell’America Latina. La legenda gi ch’il Diu dil sulegl Huitzilopochtli hagi incaricau ils Aztecs da sefermar en quei liug, nua ch’in tschéss sesi sin in cactus cun ina siarp el bec. Suenter viadis liungs e stentus han ils carstgauns contonschiu la Val da Mexico. Amiez tala Val secattava in lag d’aua da sal che senumnava Texcoco e che cunteneva in’insla da grép. Sin quell’insla han ils Aztecs cattau ad agur in cactus sin il qual seseva in tschéss cun ina siarp el bec. Aschia han els saviu ch’els stoppien erreger en quei liug lur capitala che vegneva numnada Tenochtitlan, tgei che munta ton sco „nua ch’il cactus crescha sin in grép“. En quei liug sesanfla oz il marcau da Mexico City.

Quei tema ha surviu a Kevin Houben sco fontauna d’inspiraziun per sia cumposiziun „Lake of the Moon“. Quell’ovra cuntegn fragments da musica orientala sco era ritmus sidamericans. Ils prighels ch’ein cumpari als Aztecs duront lur liung viadi s’expriman el toc entras tuns smanatschonts e prigulus. Egl Adagio divoto meina il cumponist igl auditori entuorn il lag da Texcoco, tgei che munta el lungatg Aztec “lag dalla glina” ni “Lake of the Moon”. Ella davosa part dil toc da fiasta descriva Houben la legria dils Aztecs cura ch’els havevan finalmein contonschiu lur finamira ed han saviu entscheiver a sviluppar lur nova civilisaziun.

 

Suenter quella historia meins enconuschenta raquenta l’Uniun da musica Sagogn ina legenda pli populara. Nus raquintein la legenda davart la pli gronda tema dils rehs ed il herox dils paupers, „Robin Hood“. Igl ei in arranschament da diversas parts ord la musica da film cul medem tetel. Sco cumponist da quei toc segna Michael Kamen ed arranschau il toc ha Klaas van der Woude.

Cul marsch „Goldcrest“ siara la musica da Sagogn l’emprema part dil concert.

 

La secunda part dil concert ei caracterisada cunzun entras tocs pli ruasseivels sco „The Wind Beneath My Wings“, „Let There Be Praise“ ni era „De Zee“. Denton era tocs pli energetics sco „Gaudete“ han anflau plaz el program. Per puncts culminonts dalla secunda part procuran las melodias enconuschentas el toc „Aspects of Andrew Lloyd Webber“ ed il marsch „Arnhem“ ch’ei medemamein il toc che l’Uniun da musica Sagogn presenta a caschun dalla concurrenza da marschar alla Fiasta cantunala da musica a Cuera.

 

Datas da concert:

Sonda, ils 20. d’avrel 2013 allas 20.00 (suenter concert ei ustria)

Dumengia, ils 21. d’avrel 2013 allas 17.00

 

Ils concerts han mintgamai liug en halla plurivalenta a Sagogn. L’Uniun da musica Sagogn selegra da Vossa viseta.

 

Notei gia ussa la fin d’jamna dils 7 entochen ils 9 da zercladur en Vossa agenda e vegni e susteni l’Uniun da musica Sagogn alla Fiasta cantunala da musica. Nus selegrein da veser massa fatschas enconuschentas.

 

Cun salids musicals e „Viva la musica!“

Uniun da musica Sagogn

flyer.pdf

 

 

2012.11.12 Proxima Emprova

 

Suenter ina liunga pausa vulein nus puspei entscheiver a far communablamein musica la gievgia, ils 22-11-2012.

 

 

Concerts Uniun da Musica Sagogn


Eine kleine Geschichte

Es war einmal, vor langer Zeit ein 'Prins'. Sein Name war 'Prins' Equus Laboris Brabanticus.
Der 'Prins' lebte in einer grossen Stadt in einem wunderschönen Schloss. Die Grossstadthektik wurde ihm jedoch zu viel und er entschloss sich, die Welt zu entdecken. Er bereiste alle Kontinente. Eines Tages kam er an einem wunderschönen Ort. Von da an lebte er im castell caerffili und verbrachte jeden Tag

la sera sper il lag. Diese Abende am See gefielen ihm so gut, dass er dort ein pompöses Fest organiseren liess. Alles war bereit für das grosse Fest, doch nur einer kam. Es war dr Seppl.
Da standen sie nun, der 'Prins' und dr Seppl und fragten sich, wieso niemand anderes kam. Plötzlich, wie aus dem Nichts, erschien ein "Maiteli", das unbedingt tanzen wollte. Dr Seppl nahm seinen ganzen Mut zusammen und spach das "Maiteli" an. Er sagte: "Maiteli wenn du witt go tanze – dann musst du ans Jahreskonzert der Uniun da musica Sagogn gehen"!

 

Diese Geschichte, gespickt mit einigen Titeln aus unserem Konzertprogramm, kann nur die Uniun da musica Sagogn erzählen. Kommen also auch Sie an unser Jahreskonzert und erfahren Sie, ob dr Seppl d's Maiteli zum Tanzen aufgefordert hat.

 

Unser Jahreskonzert findet am 14. April 2012, um 20.00 und 15. April 2012, um 17.00 in der Mehrzweckhalle in Sagogn statt. Wir freuen uns auf Sie!

flyer.pdf

 

Ina pintga historia
Ei era inagada, avon liung temps in 'Prins'. Siu num era 'Prins' Equus Laboris Brabanticus.
Il 'Prins' viveva en in grond marcau en in nundetg bi casti. La hectica dil grond marcau ei denton daventada per el da memia, aschia ch’el ei sedecidius da perscrutar il mund. El ei viagiaus atras tut ils continents. In di eis el arrivaus en in bellezia liug. Ed aschia eis el secasaus el castell caerffili ed ha passentau la sera sper il lag – e quei mintga di. Ad el plaschevan quellas seras sper il lag aschi bein ch’el ha schau organisar ina fiasta pompusa en quei liug. Tut era semtgau per quella gronda fiasta, denton vegnius ei mo in. Quei era dr Seppl.
Cheu stevan ei pia, il 'Prins' e dr Seppl, ed els ein sedumandai daco che negin auter seigi vegnius. Tuttenina - sco ord il nuot, ei ina mattatscha vegnida e quella leva exnum saltar. Dr Seppl ha survegniu curascha ed ha plidentau la mattatscha. El ha detg: „Maiteli wenn du vitt go tanza“ – lu stos ti ira al concert dalla Uniun da Musica Sagogn“!

 

Quella historia, cungida cun enqual tetel ord il program da concert, sa mo l’Uniun da musica Sagogn raquintar. Vegni pia a nies concert annual e lu udis Vus sche dr Seppl ha envidau d’s Maiteli per in sault.

 

Nos concerts annuals han liug ils 14 d’avrel 2012, allas 20.00 ed ils 15 d’avrel 2012, allas 17.00 en halla plurivalenta a Sagogn. Nus selegrein da Vossa viseta!

flyer.pdf